Сабақтың тақырыбы: Буын және тасымалды қайталау.

Сабақтың мақсаты:

Білімділік мақсаты: буын, тасымал туралы бірінші сыныпта алған білімдерін еске түсір, қайталау

Дамытушылық мақсаты:  дауысты дыбыстың буын құрайтыны, буынға бөлінген сөздердің барлығы бірдей тасымалдана бермейтіні туралы түсініктерін тереңдету

Тәрбиелік мақсаты: буынға дұрыс бөлу, тасымалдай білу дағдыларын дамыту

Сабақтың түрі:  аралас

Көрнекілігі: сөз, буын карточкалары, заттық суреттер

Қолданылатын әдіс: қайталау, сұрақ - жауап

Сабақтың барысы:

І. Ұйымдастыру кезеңі.

Оқушылармен амандасу, кезекшімен сұхбат. Құрал-жабдықтарын тексеріп шығу. Оқушылардың зейінін сабаққа аудару. Үй тапсымасын тексеруде үлестірмелі карточкаларды пайдалану.

ІІІ. Қайталау сабағы.

Бұл күнгі сабақтың жаттығулары оқу құралдары, оны күтіп үстау  тақырыбына арналады. Жаттығу жұмыстары арқылы бірінші сыныпта өткен материалдарды қайталаумен бірге  мұғалім оқушылардың оқу құралдарын күтіп ұстауы, оның білім берудегі маңызы туралы әңгіме жүргізе отырып, сабақтың тәрбиелік мәнін ашады.

       Буын карточкаларымен жұмыс. Балалар буындардан сөздер құрап жаттығады. Суреттер бойынша заттардың атауын атап, ол сөздерді буынға бөледі, буын санын  анықтайды. Буын санының дауысты дыбыстарға байланысты екенін естеріне түсіреді. Екі, үш, төрт буынды сөздер құрайды.

  Сөздерді  дұрыс тасымалдауды еске түсіру. Ол үшін оқушылар бір сөздің бірнеше тасымалдану үлгісін көрсетеді. Мысалы: оқу-шылардың, оқушы-лардың, оқушылар-дың. Жалғыз әріптен тұратын сөздердің тасымалданбайтынына назарларын аудару.

     ІV. Оқулықпен жұмыс.

     1-жаттығу. Буын, буындардың дыбыстардан құралатыны туралы оқушылар  бірінші сыныпта алған білімдерін қайталауға арналған. Әр буынның неше дыбыстан тұратынын санайды.

2-жаттығу. Берілген өлеңді іштей оқып, мазмұнымен танысқаннан кейін, бірнеше оқушы өлеңді дауыстап, буынға бөліп оқиды. Буын құамымен жұмыс жүргізіледі. Бір дауысты дыбыстан ғана тұратын  буындарды тауып, оның дауысты дыбыс екенін  өздері анықтап айтулары тиіс.

3-жаттығу.  Алдымен буындар жазылған баған мен сөздер жазылған бағанды салыстырады. Берілген буындардан сөз құрауға, берілген сөздерден сөйлем құрастыруға болатынын айтады. Буындардан сөз құрауды жарыс түрінде ұйымдастыруға болады.

4-жаттығу. Үш, төрт буынды сөздерді әртүрлі тәсілмен тасымалдап үйренуге дағдыландырады. Тасымалдауға болмайтын сөздердің неге тасымалданбайтынын дәлелдейді.

5-жаттығу.  Оқушылардың өз беттерінше орындауларына болады.

ҮІ. Қорытынды бөлім.

Сабақты қорытындылау кезінде оқушылардың білімінде олқылықтар бар тақырыптар бойынша бекіту сұрақтарын қою, үйге тапсырма беру, оны түсіндіру.

ҮІІ. Бағалау.

Оқушылардың  еңбегін мадақтау.